Huye: Abagororwa batatu barashwe bahita bitaba Imana.

Muri iri joro ryakeye rishyira kuri uyu wa Kane tariki ya 24 Mutarama 2019 abagororwa batatu bivugwa ko bari batorotse Gereza ya Huye yo mu Ntara y’Amajyepfo, barashwe bose bahita bitaba Imana.

Komiseri Mukuru w’Urwego Rushinzwe Imfungwa n’Abagororwa, RCS, George
Rwigamba, yatangaje ko koko abacungagereza barashe abo bagororwa ubwo bari bamaze kurenga igipangu bakoresheje imigozi.

Yagize ati:

“Byabaye nijoro guhera nka saa tatu z’ijoro, ni abagororwa bari batorotse bakoresheje imigozi, barenga igipangu bajya inyuma mu bihuru, hanyuma abacungagereza barabakurikira bagerageza kubahagarika ntibahagarara, barasa amasasu hejuru ntibyakunda, hanyuma bararaswa.”

Uyu Muyobozi yemeje ko abamaze kumenyekana ko bari bagerageje gutoroka bakaraswa ari batatu, ariko ngo bari mu nzira bagana kuri iyo gereza, ngo bamenye amakuru yimbitse ndetse n’uko umutekano ubu wifashe.

Sangiza abandi:

Leave a Reply

Your email address will not be published. Required fields are marked *